Das bin ich, nach mim erschte Schlummertrunk. Das Lied vom Timo würd zwar zu minere Alegi passe, aber ich bin grad no Endi Auguscht gschlüpft. Am 31.8.2010. 3.85kg bring i uf d'Woog (ha nochli mit em Finger drufdruckt) und mich für die 55cm ghörig gstreckt under de Messlatte.

Aber bevor ich irgendöppis gmacht han, han ich nach nün Mönet Strampi und Underwasser-Rock wölle wüsse, was ich an früscher Luft zstand bring. Tabea üebt chräftig (MP3)
Das macht aber no rächt weh. Lieber bi de Mama trinke.

Min erschti Name, Tabea, chunnt vom aramäische 'Tabita' und bedütet 'Gazelle'. Wer's gärn gnauer möcht wüsse, cha do go nocheluege: Tabea

Min zwöite Name 'Emilia' bedütet 'die Ifrigi' oder 'Ehrgizigi'. Und wüll ich im Ziitalter vo Wikipedia uf d'Wält cho bin, nötürli au do en entsprechende Link: Emilia

Die Bibelsprüch händ sich d'Mama und de Papa für mich uusgsuecht.

"Gott bewahrt dich vor Gefahren.
Du brauchst keine Angst zu haben.
Seine Engel beschützen dich,
wohin du auch gehst."
Nach Psalm 91

"Gott hat dir nicht einen Geist der Verzagtheit gegeben,
sondern den Geist der Kraft, der Liebe und der Besonnenheit."
2 Timotheus 1,7